በኢትዮጵያ ባሕር ኃይል የዚህ የጦር መርከብ መድፍ የአገልግሎት ዘመኔ አይረሳኝም፦ ( Click here to comment & read comments)

የመድፉ ስም AK-230 ይባላል፡ 230 የሚለው ቁጥር ባለ 2 አፈሙዝ መሆኑንና 30 ቁጥር ደግሞ የአፈሙዙን ስፋት (DIAMETER) ያመለክታል።
የሚንቀሳቀሰው ከጦር መርከቧ ጄኔረተር በሚወስደው 220 V 400HTZ የኤሌክትሪክ ኃይል ነው።
3 ዓይነት የመተኮሻ መንገዶች አሉት፦ 1ኛ በ SIGHT COLUMN ELECTRICAL DEVICE በመርከቧ የውጭ መሪ ክፍል  (OPEN BRIDGE) ላይ የተተከለና ሁለቱንም መድፎች ማለትም ከመርከቧ ፊትና ኋላ ያሉትን በእጅ ( ELECTRIC BUTTON PRESS) በማንቀሳቀስ እንደየአስፈላጊነቱ ሁለቱንም መድፎች በአንድ ላይ ወይም ለየብቻ በአንድ አይን በማነጣጠር በባሕር ላይም ይሁን ፤ ከባሕር ወደምድር ወይም ከአየር የሚመጣን ዒላማ ተዋጊ አይሮፕላንም ይሁን የሚሳይል ጥቃት ቢመጣ ከመቅጽበት ማውደም የሚችል በሶቪየት ሳይንቲስቶች የተሠራ ግሩም መድፍ ነው።
2ኛው የአተኳኮስ መንገድ፦ TARGET DESIGNATION SYSTEM ማለትም በ SIGHT COLUMN DEVICE ከመድፉ ጋር በኤሌክትሮኒክስና በኤሌክትሪክ ኃይል የተቆራኘ ወይም የተሠራ እንደምታዩት ከመርከቧ አናት ላይ ያለውን ተንቀሳቃሽ FIRE CONTROL RADAR በማስነሳት ሬዳር ክፍል ካለው ኦፕሬተር ጋር በውስጥ የመርከቧ መነጋገሪያ COMMUNICATION SYSTEM በመነጋገር በባሕርም ይሁን በአየር ፤ በጭለማም ይሁን በቀን ለማጥቃት የሚመጣውን የጠላት ዒላማ በፈጣን ግንኙነት ማውደም ነው።
3ኛው FIRE CONTROL RADAR በማስነሳት ሬዳሩ የመጀመሪያው SEARCHING SCREEN ላይ የጠላት ዒላማ ከታየ ወደ TRUCKING SCREEN በማስገባት ወዲያውኑ የመድፉን TURRET AGGREGATE MOTORS እና DRIVING MOTORS SWITCH ON በማድረግ እሩምታ ተኩስ ከዚያው ከሬዳር ክፍል በመተኮስ ኢላማውን ማውደም ነው።
የየመድፎቹ ሁለቱም አፈሙዞች በግራና በቀኝ እያንዳንዳቸው ከታች ትልቅ የጥይት መጋዘን ሣጥናቸው ውስጥ በሰንሰለት ሊንክ የተያያዘ 500 ጥይቶች ይይዛሉ ።
እያንዳንዱ ጥይት መተኮሻ REVOLVER CHUMBER ውስጥ ሲገባ እንደ ምድር ጦር መድፎች በመውጊያ ብረት የሚተኮስ ሳይሆን፡ ልክ እንደ ሮኬቶች በ 26 VOLT DC እየተለኮሰ ነው ከአፈሙዝ የሚፈተለከው።
በ 1 ሰከንድ 16 ጥይቶችን ይተኩሳል፡ 4 REVOLVER CHUMBERS አሉት።
ከ ROTARY CONVERTERS ሌላ 34 ELECTRONICS DEVICES አሉት።
በፎቶግራፉ ላይ የሚታየው የመርከቧ የኋላ ክፍል ሲሆን የመርከቧ ሠራዊት መኝታ ቤትና ምግብ ቤት፡ እንዲህም ልዩ ልዩ የሬዳርና የሞተር ክፍል ከሚታየው ቀይ ወለል በታች ነው። የዚሁ መድፍ ተመሳሳዩ ከመርከቧ ፊት ለፊት ላይ ነው ያለው።
ቆይቶም በባሕር ኃይል ጠቅላይ መምሪያ ትእዛዝ ከራሽያኖቹ በኋላ ምጽዋ ባሕር ኃይል መደብ ባለው የመድፈኛ WORK SHOP ለዚህ መድፍ የመጀመሪያ ስፔሺያሊስት ሆኜ አገልግዬበታለሁ። ለ 7 ዓመት ተኩል አብሮኝ ስለነበር ትዝታው እስከ ወዲያኛው ነው።
የሻቢያን የወንበዴ ጀልባዎች አሳደን  ፡ ከቀይ ኮከብ ዘመቻ ጀምሮ አንድደንበታል፤ አጋይተንበታል

ከታች የሚታየው የመድፎቹ መቆጣጠሪያ ክፍል ሲሆን ፡ ልዩ ስሙም "" MR-104 "" የኤሊክትሮኒክስ (RADAR SCREEN ) ክፍል ነው

---

• ይህ ፎቶግራፍ የተነሳው በባሕር ኃይል ጋዜጠኛ ፒቲ ኦፊሰር አለማየሁ ዘውዴ የመጀመሪያው የተሳካ የኢትዮጵያ ባሕር ኃይል ፈጣን አጥቂ ጦር መርከብ 111ኛ ስኳድሮን የ GUIDED MISSLE ተኩስ በተካሄደበት የ 20 ደቂቃ ልዩነት በነበረ ሰአት ሲሆን፡ ከባሕር ወደ መሬት የ 3.5 ኪሎ ሜትር ዒላማ በመድፍ በመደብደብ የሁሉም የጦር መርከቦች የመድፍ ተኩስ ላይ ነው። በወቅቱ የ SITE COLUMN LOCAL CONTROL AK-230 MM መድፍ ተኳሽ ሆኜ ( ፍሬሠናይ ከበደ) ሲሆን የጦር መርከባችን FMB- 161 ነበረች። ቦታውም የውጪው መሪ ክፍል ( OPEN BRIDGE ) ላይ ነበር። በስተግራዬ ያሉት የጦር መርከባችን ዋና አዛዥ ካፒቴን ኃይለሚካኤል ከበደ ሲሆኑ ከበስተቀኜ ሪር አድሚራል ተስፋዬ ብርሃኑ የኢትዮጵያ ባሕር ኃይል ዋና አዛዥ ከግንቦት 1981 መፈንቅለ መንግሥት ሙከራ በፊት የነበሩት ሲሆኑ፤ ከኋላዬ ማስተር ቺፍ ፒኦ አሠፋ ካሣ ናቸው። ከማስተር አሠፋ ካሣ በስተኋላ ያሉት ብ/ጄኔራል ተጫኔ መስፍን የኢትዮጵያ አየር ኃይል የዘመቻ ከፍተኛ መኮንን ናቸው። ጆሯቸው ላይ Headset ያደረጉት የሬድዮ ኦፊሰር ሌፍትናንት ጥላሁን ናቸው። ፎቶግራፋቸው በጨረፍታ ከጄኔራል ተጫኔ መስፍን በስተግራ የሚታዩት ካፔቴን መርሻ ግርማ የኢትዮጵያ ባሕር ኃይል ጀግና በወቅቱ መላውን የጦር መርከቦች FORMATION ሲመሩ የነበሩት ውድ ከፍተኛው መኮንን ናቸው። በዚያን ዕለት የጦር መርከብ FMB-163 አዛዥ ኮማንደር ሰዓድ አብድልቃድር የመጀመሪያውን የሚሳይል የተሳካ ውንጨፋ ከሚመሯቸው መርከበኞች ጋር በመተባበር የተሰጣቸውን 23 ሜትር ብቻ መጠን ያለውን SCRAPPED የሆነ አሮጌ ጀልባ 18 የባሕር ማይልስ ርቀት ላይ ተደርጎላቸው ዒላማውን በማውደም በኢትዮጵያ ባሕር ኃይል ታላቅ ታሪክ ሠርተዋል።
  

የጦር መርከቧ ውስጥ አካል